Davao City – Gisaulog karon ang ang ika 50 ka tuig gikan sa pagkatukod sa Pag-asa Youth Association of the Philippines (PYAP) nga dunay tema na “Golden Milestone: Fostering Generational Youth-Led Initiatives for Inclusivity and Social Change.” Atol niining kasaulugan ang pag-ila ug paghatag sa pasidungog sa mga mananaug sa Infomercial, Poster-Making, Song Composition Contest ug ang Most Functional PYAP Chapter sa atong Dakbayan.
Sumada sa mga misalmot sa mga pa-contest.
Infomercial – 7 entries
Poster Making – 9 entries
Song Composition – 9 entries
Most Functional PYAP Chapter 9 entries
Katuyuan sa maong pag-ila sa Most Functional PYAP Chapter nga mahatagan ug pasidungog ang mga aktibong grupo sa mga batan-ong PYAP sa nagkadaiyang chapter sa tibuok dakbayan diha sa ilang mga gipangunahan nga mga inisyatiba ug kalihukan diha sa matag distrito. Ang miyembro sagad sa PYAP mao ang atong mga Out of School Children and Youth nga nagpangedaron ug 15 hangtud 30 anyos.
Gitambungan ang maong pasidungog sa atong SK Pederasyon President Councilor Kristine May John “Pinky” Abdul-Mercado na maoy mibasa sa mensahe sa atong halangdong Mayor Sebastian Z. Duterte para sa Ika 50 ka tuig sa Pag-asa Youth Association of the Philippines. (CSWDO-PPI/CYWD)
