Agosto 12, 2024 – Pormal nga gipaila sa publiko ang 2024 Davao City Junior Officials Batch Hiraya atol sa gipahigayon nga Monday Flag Raising Program sa City Hall Grounds. Ang semana diin ang Agosto 12 sa matag tuig gideklara nga Linggo ng Kabataan subay sa Sec.30, Republic Act No. 10742 o giilang Sangguniang Kabataan Reform Act of 2015. Sa laing bahin, subay sa Sec. 3, Republic Act 11913 gideklara usab kining adlawa isip National Youth Day.
Usa sa sentro sa kasaulugan sa Linggo ng Kabataan mao ang pagplastar sa Junior Officials base sa gimando sa Republic Act 10742 as amended by R.A. 11768. Kini nga programa gipangunahan sa Davao City Youth Development Division (DCYDD) ubos sa City Social Welfare and Development Office. Ang maong kalihukan kabahin sa Davao City Youth Development Plan ug usa sa mga ginasubay sa Seal of Good Local Governance (SGLG).
Miabot sa 78 ka Junior Officials ang giplastar diha sa matag departamento sa atong lokal nga panggamhanan ug Sangguniang Panglungsod. Adunay Junior City Mayor ug Junior Vice-Mayor na gipili gikan sa 78 ka mga Junior Officials, 27 ka Junior City Councilors, 35 ka Junior City Department Heads kauban sa mga Junior Deputy Mayors sa 11 ka tribo sa atong dakbayan. Tumong sa maong programa nga maabrihan ang ilang panghuna-huna ug masabtan ang mga programa,serbisyo ug proseso sa atong gobyerno diha sa publiko. Apil niini ang kampanya sa atong lokal nga panggamhanan na Basta Dabawenyo DCPlinado.
Ang Linggo ng Kabataan magsugod Agosto 12-16, 2024, daghang mga katikaran ang nakahan-ay sa maong kasaulugan. (CSWDO-PPIU)
Photos: CTTO Vice Mayor Atty. Jay Quitain CSWDO-PPIU